ang araw na ito, para sa yo

.

ito ang unang mother's day na hindi kita matatawagan

hindi na kita mabibiro, hindi na tayo magtatawanan

hindi ko na rin maririnig yong lambing mo at biro

uungot ka ng kahit ano basta meron ka lang regalo.

.

ang bilis talaga ng araw nakaka-dalawang buwan ka na

iniwan mo kami at sa langit dumiretso ka

sigurado naman ako, di ka pahihirapan ni san pedro

dahil mabait na nanay ka kahit medyo istrikto.

.

siguro marami ka ngayong kalaro sa bingo

at siguro kasama mo na si tatay, panay ang date nyo

at siguradong sa videoke ay nagdu-duet pa

sa theme song nyong sa baybay dagat, kundiman talaga.

.

lagi lang ninyong tandaan ang bunso ninyong mahal

hindi kayo nalilimutan gaano man katagal

dalangin ko kayo ay masaya sa inyong kinalalagyan

at pinagpapala ng Poong Maykapal.

.

Happy Mother's Day Nay

***